"Өндөр цалинтай онгоцны үйлчлэгчийн ажилд зуучилна" гэсэн зар тараан
монгол охидыг урд хөрш рүү худалдах гэж байсан хэргийг цагдаагийнхан
илрүүлсэн. Монгол Улсын иргэн 18 настай н.Алтанзул бүсгүй хятад
түншийнхээ ятгаснаар дээрх зарыг тараажээ. У г зарын дагуу түүнтэй 28
эмэгтэй холбогдсон байна. Тэдгээр эмэгтэйчүүдээс нэгийг нь дагуулан хил
давах гэж байхад нь түүнийг саатуулсан юм. Тэрбээр "Урд байдаг Цэцгээ
гэдэг эмэгтэй "Монгол охидыг өндөр цалинтай ажилд оруулна гэж зар
тараагаад энд авчир. Тэдэнд их мөнгө амлавал биеэ үнэлэхээс
татгалзахгүй" гэж ятгасан" хэмээн мэдүүлжээ. Одоогоор уг хэргийг Улсын
мөрдөн байцаах газарт шалгаж байгаа бөгөөд БНХАУ-ын иргэн Цэцгээ
гэгчийг н.Алтанзулын хамт Ганц худаг дахь урьдчилан хорих төвд
саатуулаад байгаа аж.
| 
