SANKARA™

Долдугаар сарын 1-ний үймээнд оролцсон гэх үндэс­лэлээр иргэдийг шүүх хурал үргэлжилж байгаа. Одоогийн байдлаар 150 шахам хүнд үймээн самуун өдөөн тур­хирсан, галдан шатаасан, эд зүйл хулгайлсан хэргээр ял оноогоод байгаа билээ. Эд­гээр шүүгдэгч залуусаас камер, дүрс бичлэгт орсон гэх баримт гарч ирээгүй талаар өмгөөлөгч нар нь танилцуулж бай­сан. Энэ долоо хоногоос эхлэн дахин 100 гаруй хүнд холбогдох шүүх хурал үр­гэлжилж байна.  Өчигдөр Чингэлтэй, Хан-Уул дүүргийн шүүхэд  нийт 11 хүнд холбог­дох шүүх хурал боллоо.

Чингэлтэй дүүргийн шүү­хэд О.Ганбаатар, Л.Санжаа, Г.Алтанбагана, Г.Алтансүх, Г.Дүүрэнбаяр, Д.Золбоо на­рын зургаан хүнийг Эрүүгийн хуулийн тусгай ангийн 179.1, 147.2, 155.1 гэсэн зүйл ангиар шүүлээ. Шүүгдэгч Л.Санжаа 15 настай буюу насанд хү­рээгүй тул шүүх хурал хаалт­тай болсон. Шүүгдэгч 18 нас­тай О.Ганбаатар есөн жилийн ял авсан юм. Тэрбээр өмнө нь дээрмийн хэрэг үйлдэн ял хойшлуулаад байсан аж. Ял хойшлуулах хугацаа дуусаа­гүй байхад нэмж хэрэг үйлд­сэн хэмээн  тэрбээр ийнхүү хүнд ял авчээ. Түүний өмнөх дээрмийн хэргийн нэг жил зургаан сарын ял дээр дол­дугаар сарын 1-ний үймээн самуунд оролцож, хулгай хийсэн гэх долоон жил зургаан сарын ялыг нэмж нийт есөн жилийн ял оноов. Түүнтэй хамт сэжигтнээр татагдан шүүгдсэн 15 настай Л.Сан­жаагийн хэргийг хэрэг­сэхгүй болгож, бусад шүүг­дэгч нарыг Эрүүгийн хуулийн тусгай ан­гийн 155.1 буюу гэмт хэргийн шинжтэй эд зүйл гэдгийг мэд­сээр байж авсан хэмээн нэг сар баривчлах шийдвэр гар­сан. Өөрөөр хэл­бэл, үймээ­ний үеэр хаягдаж, алдагдсан эд зүйлийг авсан хэмээн буруутган ийнхүү баривчлах ял оноожээ.

Мөн энэ өдөр Хан-Уул дүүргийн шүүхэд 17-27 насны таван хүнд холбогдох  шүүх хурал хаалт­тай болсон.

Н.Тэ­мүү­­жин, Д.Цэрэн­дорж, Б.Лхаг­­васүрэн, Т.Энх­болд, С.Хурцболд нарыг үй­мээн самуунд оролцож, ал­дагдсан, хаягдсан эд зүйлийг авсан гэх үндэслэлээр бу­руутгаж шүү­лээ. Шүүх бүрэл­дэхүүн ху­рал­даад Н.Тэмүү­жинг дөрөв, бусдыг нь гурван сар баривч­лах шийд­вэрийг гар­гажээ.